|
（本報訊）今日適逢梅艷芳生忌，梅艷芳逝世15週年紀念電影《朝花夕拾•芳華絕代-拾芳》發佈會，今晚在鑽石山荷里活廣場舉行，出席演員包括胡杏兒、郭羨妮及林德信等。
電影由梅艷芳歌迷會芳心薈籌措資金拍攝，故事講述梅艷芳未能拍賣的遺物全部被掉去垃圾站，當中包括歌迷的信及心意卡， 一眾歌迷不忍心梅姐遺物變成垃圾，盡力到垃圾堆中拯救，最後將此編寫成故事拍攝成電影。今日出席的歌迷及演員，在台上一齊同梅姐講「生日快樂」。江欣燕聲演梅姐，佢話：「歌迷會通過曾志偉搵我演出，志偉同我講不用想那麼多。」未有現身的曾志偉亦有拍片支持。
郭羨妮在戲中扮演忠實fans去拯救梅姐的遺物，之後再送番俾歌迷，郭羨妮話：「原來fans送的每樣東西，梅姐一件都唔會掉，好感動，她是一個好真誠的人，我們將她的遺物送番俾fans，他們都好驚訝梅姐竟然留咁耐。」對於今次拍攝，郭羨妮話係用心去拍唔講錢。
胡杏兒在戲中飾演梅艷芳的好友，胡杏兒話：「其實好有難度，因為要對住空氣演出 。」胡杏兒同郭羨妮同樣未曾有機會見過梅艷芳，杏兒話：「看過好多報道，好明白她的性格同為人，希望大家支持呢部電影。」
胡杏兒透露，確實8月中與蕭定一公司已約滿，杏兒說：「一路都冇講，因為時機未成熟，不過唔係好似報道咁講，其實我們一路合作好愉快，只係生活同以前唔同，係咪自組公司到適當的時候會公佈。」
|
分享至 Facebook
分享至 Twitter
分享至 Plurk
分享至 Google+
Google 書籤
QQ 書籤
張貼至 myshare
轉寄好友
分享至 Facebook
分享至 Twitter
分享至 Plurk
Google Bookmarks
收藏到 QQ 書籤
張貼至 myshare
轉寄好友
LinkedIn
Netlog
Hi5
MySpace
Google+
Weibo
梅艷芳逝世15週年紀念電影《朝花夕拾•芳華絕代-拾芳》發佈會，今晚在鑽石山荷里活廣場舉行。