(本報訊)蔡思貝、湯洛雯(靚湯)、鄧佩儀、張振朗最近拍攝無綫新劇《機場特警》,日以繼夜,夜以繼日咁開工在所難免,難得係一班年輕人可以聚埋一齊,趁休息時玩一玩。
靚湯今日在instagram上載了一條蔡思貝飲醉酒的短片,思貝面都紅晒,明顯有醉意,靚湯同鄧佩儀左右護法傍到實。思貝一臉傻氣,一時鼓起泡腮,一時挨住靚湯膊頭,又拿靚湯的頭髮扮Cute,佢突然對住鏡頭話:「呢個係我Baby,我要錫錫……」然後就一啖錫落靚湯塊面度。
另一條片就爆了邊個係「兇手」,見鏡頭多了個張振朗,而蔡思貝就一路睇手機,一路搖住頭,坐都坐唔穩。靚湯問﹕「你做咩灌醉佢呀?」振朗拋下一句﹕「低能」,再飛隻臭襪去靚湯度,嚇到伊人大叫!其實思貝係因為拍劇所以飲醉,佢都有轉載條片,仲自爆「嘔了五次」,還說﹕「好彩有你地陪我。」咁醉,真係唔知飲了幾多杯。
|