(本報訊)藝人黃秋生前日拍劇時曾透露其母病危的消息,想不到事隔一日即傳來噩耗,黃母昨午安詳離世。秋生接受電話訪問時禁不住哀傷,以沉重語氣回覆:「我剛好從醫院看完她離開,中途接到電話想返轉頭,點知塞車,差十分鐘,見唔到佢最後一面,不過她的神息還在。我有在她耳邊講話,內容就唔好講喇,好彩我之前都陪了她兩個小時。」
黃秋生同張松枝昨日到葵涌拍攝港台消防劇集《火速救兵IV》時,透露母親有病入院,所以一度想辭演《火》劇。而說到母親現時情況,秋生表示:「都唔會冇乜事。媽媽身體唔係太好,昨晚收到醫院電話,連最後一場都拍唔到就要趕去醫院。」他又指母親多病痛:「好多病,我都不知還有什麼,腎功能退化,透不到氣同去唔到水,我估只剩聽覺同觸覺,看不到,講不到,沒什麼意識,其實係等緊時間。」
秋生指母親情況有少少影響工作心情,唯一希望她能舒舒服服安詳離開。豈料今日下午,秋生母親不幸與世長辭。
黃秋生今日接受電話訪問表示:「我下午去看她,陪了她兩個小時,姑娘話要換片,我晚一點再去,走了之後call我返去,不知點解今日咁塞車,返到去剛剛走!依家搞完啦,call晒親戚,表親又去晒,送埋佢入殮房。」談到處理亡母身後事,秋生說:「係呀,搞好晒。」問到是否要停工?他說:「唔係,港台兩日而已,跟住工作可以延後就延。」
|