(本報訊)27歲的何家千金超蓮,去完巴黎時裝週之後,今次來到歐洲人口密度最低的國家冰島。話到明係冰島就緊係凍到震啦,十月中的冰島雖然未入冬,但係都已經跌到得返5度左右,夜晚更加會跌穿零度,所以呢幾日見到超蓮的IG都包到成隻粽子一樣。
之但係你又點估到,去到冰島超蓮都有泳衣相睇?今日超蓮在IG貼出兩張泳衣相,見佢一身白色低胸連身泳衣浸在水中,她還寫道:「其實三年前就來過冰島,當時沒有去到blue lagoon很遺憾,這次來拍攝第一天就去了,天氣還很好!」似乎就係去了冰島著名的地熱溫泉藍潟湖,冰天雪地浸溫泉真係極度享受。
|