(本報訊)周秀娜今日在尖沙嘴出席護膚品活動,早前同兩女性朋友去南美旅行三星期,其間遺失行李,去到玻利維亞時個肚子不舒服,由於當地好多洗手間都要收費,狼狽之下要向在場的香港男fans求救。周秀娜話就算去到著名景點天空之鏡,都忙住去洗手間打卡:「這個行程遺失行李,好似乞丐,穿著同一套衫,我覺得那幾日好污糟好臭。到玻利維亞遇正水土不服肚屙,我沒現金去唔到廁所,好彩遇到香港人。」
去到緊急時已顧唔到女神形象幻滅,周秀娜話:「人生大事(指人有三急)喎,唔理到咁多。同行朋友叫我同佢合照。」而她食飯時曾遇兩個荷蘭男士搭訕,但因網絡訊號差,事後冇交換電話,但對方都有去到天空之鏡旅遊。回港後即工作拍戲,要適應時差,但第一場已是談情戲。
|