|
（香港報導）本港新冠肺炎近日有上升趨勢，今日便有約23宗確診，重回雙位數。但昨晚無綫一年一度的台慶盛事，有逾200多名藝人，齊齊無罩表演賀台慶，就連新上任的無綫主席許濤及集團行政總裁都「跟隊」，不戴口罩進行亮燈儀式，令人憂慮會出現「台慶群組」個案。
是非多多的馮盈盈早前傳是舊老闆、前無綫主席「殼王」陳國強的新寵，昨晚她被追問為何忽然富貴，用20萬名牌手袋，又住海景豪宅，她例牌否認，笑言：「呢單新聞都幾搞笑，冇任何證據之下都有咁大迴響。我知道呢啲無稽新聞好快會過去，唔會擺喺心上，所以自己都冇乜太大唔開心嘅感覺。」她指名牌袋是爸爸所送，是爸爸對她表達愛的方式，她說：「由我18歲開始，我爸爸就好錫我，還有媽媽都會一直送禮物畀我哋，送袋就係佢表達愛嘅一個方法，爸爸有啲唔開心，講到佢冇功勞咁，買個袋都負擔唔起。」可擔心被指炫富？她說：「首先我係冇炫富，我係過返自己平時嘅生活，行得正、企得正，唔會因為其他人特別改變自己。我覺得大家大驚小怪，我哋公司賺錢能力高嘅女藝人都唔少。」對於網民批評，她說：「可能係意氣說話。」
鄭衍峰開腔維護女友：「佢好慘，有少少戥佢唔抵。大家有冇諗過，藝人有好多side job，你出個活動、IG post，分分鐘已經買到兩、三個手袋。」他大讚盈盈是一個好勤力的藝人，還自爆為女友與網民理性討論：「佢EQ被訓練到睇得好化，反而今次佢同我講，我嬲過佢！」至於盈盈與江嘉敏已由好姊妹變死對頭，昨晚雖同場現身，但卻視而不見，大合照只各自各跟身旁的人傾偈，關係越鬧越僵。
|
分享至 Facebook
分享至 Twitter
分享至 Plurk
分享至 Google+
Google 書籤
QQ 書籤
張貼至 myshare
轉寄好友
分享至 Facebook
分享至 Twitter
分享至 Plurk
Google Bookmarks
收藏到 QQ 書籤
張貼至 myshare
轉寄好友
LinkedIn
Netlog
Hi5
MySpace
Google+
Weibo
馮盈盈昨日盛裝現身台慶。